ابن اسموديوس 2-الفصل الاول(نقطه من اول السطر)

روايه

ابن اسموديوس2

  

تأليف\ محمد البحراوي 

   

الان وبعد ان ارتديت عباءه الشيطان و ضربت بقيمك ومبادئك السابقه عرض الحائط فاليوم واليوم فقط تفقد روحك ويبدأ جلدك بالانسلاخ والذبول ليتحول الي بهتان الموت لتري بيعنيه وليجف الدم في عروقك فتسري دمائه بدل من دمائك و لتكون انت هو وهو انت لتكون ابن اسموديوس

محمد البحراوي

ابن اسموديوس 2

 

الفصل الاول

  

(نقطه من اول السطر)

 

عاصم:بااااااس  ثانيه بس يا جماعه قبل ما نبدأ الجزء التاني ,بص يا عم المؤلف من اولها اهوه براحه علينا كده ومش عايزين مرمطه كتير ماشي ؟
انا: كده برضو يا عاصم تقول عليا بمرمطكم ,لا انا زعلان,بزمتك يا بيتر انا بمرمطكم؟
بيتر : الصراحه اه , ومطلع عيني انا اكتر واحد كمان 
انا :تماام اعرف صاحبك وعلم عليه هاا 
عاصم: بقولك ايه بطل رغي وخش في الاحداث  عشان زهقت الناس 
انا :طااايب ماااشي انا هوريك


في الجزء الاول

*عاصم رجع من السفر بعد ما الشيخ ابراهيم بلغه بضروره رجوعه لمصر وقابل  بيتر وسعيد و سعيد اختلف مع عاصم وبعدين اتقتل ومني اتأثرت بالسحر الاسود لمعتز وقدر دايمون يسكن جسمها وخرج دايمون واللي اتهزم علي ايد عاصم بعد ما عاصم اكتشف قوته وعرف مفتاح الحصول عليها*

ابن اسموديوس الجزء الثاني...

علي سلم احد العمارات في احد احياء المحله يتهامس اثنان من اللصوص وهم يحاولون فتح باب احد المنازل 

لص ١:وطي صوت التخبيط شويه عشان ميسمعوش 

لص٢:ياعم متقلقش دي واحده مبتتحركش وقاعده علي كرسي بعجل فحتي لو صحيت مش هتلحق تعمل حاجه 

لص١:ولو صرخت ولا نادت علي الجيران يا فالح 

لص ٢:اخرص بقي و سيبني اخلص عشان صدعتني ،ايوه اخر تكه و ايوه  ، ههه عيب عليك يابني انا مفيش باب يقف قدامي 

لص١:يابن اللعيبه ،كان ليه حق المعلم يعلي نسبتك 

لص٢: طبعا ياسطا دا انا وارثها ابا عن جد

لص١:اقعد ارغي واهري بقي لحد ما الصبح يطلع من نغير ما نخلص انا عرفت الواد فتحي اننا خلصنا فلو احتجناه هيطلع يساعدنا

لص٢:حلو يلا نخلص بقي

فتحوا الباب ودخلوا يتسحبون  في ارجاء المنزل وذهب كلا منهم لاحد الغرف،دخل لص١ الي احد الغرف فوجد بها امراءه نائمه علي السرير فاتجه الي الدولاب وبدأ في فتحه والبحث في داخه ،احس فجأة بصوت من خلفه فالتفت ليري سبب الصوت فتراجع رعبا واصطدم بالدولاب

لص١:سلاما قولا من ربا رحيم

اخرج سكينا من جيبه وامسكه وهو يرتعش وظل يبحث عن المرأة في ارجاء الغرفه لكن لم يجدها فخرج باحثا عن صديقه  في نفس اللحظات في الغرفه الاخري الذي دخل بها اللص الاخر حيث وجد امراءه نائمه علي السرير  فرفع سكينه وتوجه الي الدولاب وهو يتابعها بنظره خشيه ان تستيقظ وبمجرد ان رمش بعينه  اختفت المرأة من علي السرير فخرج اللص الثاني مسرعا من الغرفه ليسمع صوت صديقه يناديه 

لص١:يا وجدي وجدي ،الحقني الست اللي كانت نايمه جوا اختفت

وجدي:تعالي  انت يا سلامه الحقني  الست اللي كانت عندي فص ملح وداب هي كمان 

سلامه :بقولك ايه انا مش مطمن  انا هرن علي الواد فتحي يجي يساعدنا وننجز ونخرج من هنا عشان قلبي مش مستريح للمكان ده  وتعالي معايا يلا عشان لقيت فلوس في الاوضه دي تعالي نقلبها ونخلص 

وجدي :طيب يلا بينا 

دخلوا الغرفه ليجدوا نفس المرأة نائمه علي السرير وكأن شيئا لم يكن 

سلامه في رعب: يا ليله سوده دي رجعت تاني علي السرير 

وجدي: يا ليله منيله بنيله دي نفس الست اللي لقيتها عندي في الاوضه التانيه

فتحي :ايه يابني انت وهو واقفين كده ليه متنجزوا

فزع كلا من سلامه ووجدي من صوت فتحي الذي فاجأئهم بصوته فقفز كلا منها في حضن الاخر من الرعب 

فتحي ضاحكا : انشفوا كده اومال دا انتم طلعتوا سيس خالص

وجدي في عصبيه : انا سيس يا ابن ال.....

لم يكمل وجدي  كلمته  وقد تجمدت الكلمات في فمه وشل لسانه 

فتحي: مالك يا نجم مش كنت عامل فيها سبع رجاله ،والله لاقول للمعلم علي اللي انتم بتعملوه ده ،مالك ياض انت وهو وشكم قلب الوان كده ليه،متنطق يا عم انت وهو 

سلامه وعلي وجهه تظهر علامه الرعب وملامحه قد تجمدت من الرعب : ب ب بص وراك

فالتفت فتحي لينظر ورائه ورفع سكينه

فتحي: لو صوتك طلع هجيب رقبتك علي الارض ،بقولك ايه احنا جايين نخلص مصلحه ومش عايزين نأذيكي

لم ترد المرأه وظلت جالسه  كما هي علي كرسيها المتحرك 

فتحي:مش عيب عليك ياض انت وهو تتثبتوا كده من مجرد واحده عاجزه ايشحال لو مكنتوش شغالين في الشغلانه بقالكم سنين كل ده هيتقال لل...

لم يكمل فتحي جملته حتي ارتفع جسده  في الهواء واصطدم بالسقف بعنف شديد وتبعه ضربات متكرره من الاصطدامات بالسقف والارضيه حتي تهشم جسده كليا ولم يعد يمكن رؤيه ملامحه من كثره الدماء علي وجهه وفورا فارق الحياه 

صرخ كلا من سلامه ووجدي فزعا وظلوا ينادوا ويستغيثوا بالناس بأعلي صوت عندهم وهربوا الي احد الغرف واغلقوا خلفهم الباب ووضعوا خلفه كل ما وصلت اليه ايديهم من اشياء لمنعه من ان يفتح

وما كادا يلتفوا حتي وجدوا تلك المرأه تقف امامهم مباشره وهي تبتسم ابتسامه شر وتحرك لسانها علي شفافه كعلامه لبدأ الاكل  وبدون ادني تحذير هجمت عليهم مباشره  وارتفع صوت وجدي وسلامه بالصراخ وفجأه توقف الصوت تماما ...

خارج الشقه 

يتجمع مجموعه من اهالي المنطقة امام باب شقه الحاج حسين

منى:يا عاصم افتح بقي حرام عليك هموت من الرعب عليها 

عاصم:يا منى حاضر المفتاح مش فاهم مش قادر يفتح ليه 

منى:قولتلك بلاش نسيبها وحدها لحد ما اهلي يرجعوا من الحج

عاصم:وهو ده وقت الكلام ده بزمتك

عاصم محدثا نفسه:يعني كان لازم الجيران يجوا بالسرعه دي كان زماني مستخدم قوتي  بدل الفرهده دي 

احد الاشخاص:كده مفيش حل يا استاذ عاصم الا اننا نكسر الباب 

شخص اخر:دا انسيب حل 

عاصم:الظاهر ان مفيش حل غير كده ، ايدك معايا كده لو سمحت 

وقاما بكسر الباب والدخول الي الشقه 

اسرعت مني الي غرفه رشا لتبحث عنها  لتجدها مستغرقه في النوم 

عاصم:معقوله نايمه بعد الاصوات دي كلها 

تحاول مني ايقاظ رشا 

وفي الاخير تستيقظ

رشا:ايه يا منى عايزه ايه سيبيني انام 

مني: يا رشا فوقي معقول كل الأصوات دي ولسه نايمه

تستيقظ رشا ويبدوا عليها علامات النوم وقله التركيز: اصوات ايه؟ 

عاصم: اصوات صريخ وناس بتستغيث ،ايه نايمه علي ودنك ولا ايه؟

مني: بطل بواخه يابني انت  متقولش يعني انت اللي بتسمع دبه النمله ، دا انت بتنام مقتول

عاصم:احم احم الناس واقفه علي فكره

مني:اسفين يا جماعه علي الازعاج شكل حد كان مشغل التلفزيون ومعلي الصوت ولا حاجه  

اصطحب عاصم الجيران واخرجهم من الشقه: اسفين يا جماعه علي الازعاج ،شكرا لكم علي المساعده

!ثم عاد عاصم مره اخري الي رشا: يعني انتي اكيد تمام يا رشا؟ 

رشا: ايوه يابني فيه ايه هو انتم مصحيني من النوم وعمالين تحققوا معايا اوي ليه ،انا كنت ناميه ومعملتش حاجه

مني:بااااس خلاص ايه يا ساتر كل ده طفح في وشنا عشان صحناكي ،خلاص معدناش هنعبرك تاني

عاصم:خلاص يا منى ,يلا نرجع ننام تاني وانتي يا رشا نامي معلش اسفين

وبمجرد ان هم عاصم ومنى بالخروج من غرفه رشا 

تغيرت اعين رشا الي اللون الاسود وهمست في صوت منخفض واجش قائله: اللعبه لسه في بدايتها يا عاصم ..... 

نهايه الفصل الاول من الجزء الثاني ....