دع غيمتك السوداء واخرج من تحتها

الهموم 

لو فكرت تكلم حد عن عدد المرات اللي فرح فيها هتلاقي الاجابه حاجه من اتنين انا يقولك مفيش🙂 او انه يقعد بفكر شويه ويقولك مره او اتنين😔 لكن جرب تسأله عن همومه ،عن ايه اللي مزعله ،عن مشاكله 🤔 غالبا هتكون عامل زي اللي قطع بالون ضخم مليان بالميه بسكينه هتلاقي قصص وحكاوي وصعبانيات ونكد ملهوش عدد 🥺 طب ليه كل ده ؟
ليه مثلا الناس اصبحوا بكميه البؤس دي ؟ هل هم فعلا كده ولا بيبالغوا 🤔؟  لو سألت حد عن حياه حد تاني هيقولك بيبالغ يا عم ده عنده واحد واتنين وتلاته ومش حاسس بقيمتهم
لكن لو سألت نفس الشخص عن مشاكله هو هيقولك انا مظلوم في كذا وكذا وحياتي بايظه ومجروح وحاجات كتير كده برضو
شايفين بقي كل دول
#كدابين#
كدابين حتي وهم مش عارفين انهم بيكذبوا يعني هم فعلا حاسين بالالم النفسي والاحباط والبؤس من فشل تجاربهم لكن برضو مازالوا كدابين
كدابين لان ببساطه بعد ما عرفنا التكنولوجيا والعالم المفتوح بقي فيه فرصه اسهل واعمق للتعبير عن المشاعر
زي (انا انطفيت -محدش صالح كله بتاع مصالح - قلبي مبقاش بيعرف يعمل حاجه غير النبض-مش عايز اتعامل مع حد ) وغيرها من الجمل
زمان مكانش الشخص عنده القدره دي علي انه يعبر عن مشاعره ولا انه يبالغ لكن الايام دي بقي العكس
بس هو برضو معذورين
جرب تعمل اسكرول كده في الفيسبوك عندك او جرب تدخل اي جروب عام  او حتي افتح استوري الواتس عندك  و حاول تعد كده كام بوست محفز وكام بوست كئيب او صاحبه حزين او مجروح دا طبعا غير الاغاني اللي متتعدش اللي كل مهمتها توصف الاحزان والجروح ومختصره الدنيا علي الحبيب اللي راح او الصاحب اللي مطلعش جدع  كل البوستات دي مع الوقت بتخلق جواك من غير ما تحس سحابه سوده بتكبر مع الوقت بتخليك هش من جواك بتحسسك بالظلم حتي من غير ما تتظلم بتحسسك بالحزن والجرح حتي من غير ما يكون فيه مناسبه لكده
الواقع بعيدا عن الميديا كلها بأنوعها بيقول ان من وسط ١٠٠٪احباط مفيش غير ٤٠٪ بس اسباب واقعيه تستحق الاحباط والحزن  زي فقدان وظيفه  او خساره عزيز او غالي بالرحيل او الموت او وجود ضائقه ماديه او صراعات عائليه او خيبات الامل بعد عشم طويل   كل دول هم  اسباب  اللي صنفت كأسباب واقعيه للحزن غير كده وهم بيسموه وهم الهاله السوداء  اللي هو بمعني اخر الهاله السوداوية البائسه المزيفه اللي جوا كل واحد فينا
العلاج لكل ده ببساطه اصنع لنفسك حاله بيضاء جواك تمسح الهاله السوده دي بأنك تتجنب البوستات والاغاني اللي كلها حزن او بتدعوا لكده تجنب التفكير في اي هم فات  ولو مش قادر تقدر ببساطه تكتب هموك دي علي ورقه وتحرق الورقه هتفرق معاك صدقني بعد كده اكتب احلامك علي اكتر من ورقه كل ورقه بحلم واحتفظ بيهم في مكان خاص بيك وبص لها كل فتره وابدأ بالتفكير ليها وازاي تبدأها وتمشي فيها
جرب كل ده هتلاقي نفسك خرجت برا سحابه الوهم السوده اللي الناس كلها بقت موجوده فيها دلوقتي

#محمد_البحراوي