ابن اسموديوس الجزء التاني بعنوان
خطه بديله
تأليف/محمد البحراوي
روايه ابن اسموديوس 2- من تأليف محمد البحراويالفصل الثاني
 |
| ابن اسموديوس الجزء التاني بعنوان خطه بديله تأليف/محمد البحراوي |
الخطه البديله
منى:بتعملي ايه بس هنا يا رشا ؟!مش خايفه توقعي حاجه عليكي
رشا:اهو بتسلي يا منى،مش كفايه مش عارفه اتحرك واخرج ومتمسمره هنا علي الكرسي ده طول الوقت
مني :باااس خلاص ايه هو انتي كنتي خارسه واتكلمتي ولا ايه ؟
رشا:كده يا منى طب انا خارجه وسيبالك الشقه كلها
مني:غريبه اوي اومال مين اللي نزل علبه الملح من فوق كده
رشا:تلاقي عاصم ولا حاجه منتي عارفه مش بيقعد بأيده ساكته
مني: بس عاصم بايت من الشغل من امبارح وكمان كنت في المطبخ الصبح بجهز الفطار وكانت العلبه مكانها
رشا:تلاقيكي نزلتيها ونسيتي ولا حاجه
مني:مش عارفه بس شئ غريب
رشا:ما خلاص يا اوفر كل ده عشان علبه ملح اومال لو كانت فرخه ولا حله ملوخيه كنتي عملتي ايه
مني: كنت جيبت الادله الجنائيه وبحثت عن هذا المجرم الذي ارتكب هذه الفعله الشنعاء ... خدي بس رايحه فين خدي
صوت من خارجه الشقه
عاصم:يا عم ادخل بقي متصدعنيش
بيتر:يا عم انت معرفتك معرفه هباب اصلا وعدت علي خير مره ومش كل مره هتسلم الجره
عاصم ناظرا بيعنه لاعلي :خلصت؟ طيب وفرت كده ضمنت اني اكل المكرونه و الفراخ بمزاج رايق
بيتر في تردد:مكرونه؟
عاصم: هو انا مقولتش لك دا منى طابخه شويه مكرونه وحله فراخ بس ايه لوز اللوز يلا خير ملكش نصيب بقي
امسك بيتر في كتف عاصم: لا مليش نصيب ايه بس يا ابو الصحاب دا انا طول عمري بقول ان الواحد بيبقي مرتاح كده وهو بيتنفخ عشان خاطر عاصم ،ياسلام هو احنا عندنا كام عاصم يعني
عاصم: كام ؟
بيتر: حوالي سته او سبعه كده
عاصم: قد ايه انت حنين وواطي، ادخل ادخل دايما همك علي بطنك كده وياريتك بتطخن ،يا منى انا في البيت
بيتر:قولها تستعجل الاكل عشان واقع
عاصم:يا عم انكتم عما اشوف هي راحت فين
بيتر: ياعم هتلاقيها خرجت تشتري فاكهه ولا حاجه
بحث عاصم في أرجاء الشقه ولم يجد لها أثر
عاصم:بقولك ايه انا مش مطمن حاسس انهم حصلهم حاجه ،انا حاسس بشعور مش لطيف
بيتر: يا عم بطل الوسواس اللي بياكل دماغك ده
عاصم: طب هطلع علي السطح كده اشوف لو حد فيهم فوق
في نفس الوقت تم فتح الباب واذا بمني تدخل وممسكه برسي رشا لتحركها امامها
بمجرد ان رآها عاصم اطمن قلبه قليلا ثم ما انفك ان حول كل قلقه السابق الي غضب
عاصم في عصبيه: كنتي فين يا هانم من غير اذني ومن غير ما تعرفيني اي حاجه
لم ترد عليه مني واكتفت بالنظر له بصمت ثم توجهت الي غرفتها بصحبه رشا
انفعل عاصم كثيرا :وكاد ان يلحق بها ليوبخها لكن تدخل بيتر محاولا منع النار ان تشتعل :طب كويس اننا اطمنا عليهم ،هدي اعصابك كده وادخل اقعد معاها شويه وافهم منها كانت فين
عاصم:ماشي يا بيتر عما نشوف اخرتها ،دي اول مره تتصرف بالطريقه دي
بيتر:يمكن في حاجه مضايقها اقعد معاها براحه وافهم منها ،وانا هروح مشوار كده لواحد صاحبي وهبقي اعدي عليك بكره ولا حاجه
عاصم:تمام يا بيتر
بعد وقت قليل ....
عاصم: يا مني انا هادي اهوه لا متعصب ولا زفت فهميني بقي كنتي فين ومعرفتنيش ليه
رشا:يا عاصم اهدي مش كده
مني: شوفتي يا رشا بيعاملني ازاي وكل ده ومش متعصب اومال لو متعصب كنت هتعمل ايه
عاصم:بقولك ايه انا عفاريت الدنيا كلها بتتنطط قدام عيني انطقي كنتي فين
مني:كنت عند عم عبيد البقال كنت بجيب منه حاجات عشان الطبيخ
عاصم: ومقولتليش ليه ؟ وليه اخدتي معاكي رشا
رشا: جرا ايه يا عاصم هو انت هتحبسني ولا ايه ولا عشان بقيت مشلوله يعني تتعامل معايا كده
عاصم مدركا انه اخطأ :يا رشا مش قصدي كده انا بس ..
قاطعته مني قائله : بلا بس بلا بتاع بقي مش كفايه أن انت السبب في اللي حصل لاختي وبسببك هقضي بقيت عمرها مشلوله
عاصم: انا عمري ما كنت احب ان ده يحصل يا مني واللي حصلها ده مش بسببي
مني:لا بسبب وجودك ولو مكنتش موجود مكناش وصلنا لكده
انفعل عاصم وهم في الخروج ثم التفت موجها لهم الكلام:لا مش انا السبب يا مني السبب هو ان الست اختك كانت متجوزه تعبان بيعمل سحر اسود وهو السبب في اللي حصلها
وخرج دون ان يسمع الرد
في مشهد اخر...
بيتر: هاهاهاا تخسر يا دكتره عرفت بقي ان عمر التنسيق مكان مقياس للذكاء؟
نبيل: يا عم مكانش دور شطرنج كسبت فيه ده منت لسه خسران ٥ ادوار في الدومينو ومسمعتش صوتك يعني
بيتر: لا معلش تعالي ليا في ملعبي انا اصلا مولود علي طاوله شطرنج
نبيل:طب العب يا فالح العب
بيتر: دا انا هقطعك
بعد مرور ساعه ....
عاصم: انت يابني ايه المكان الكافيه ده وقعت عليه منين دا انا اللي في المنطقة بقالي وساكن فيها معرفش المكان ده ، ايه ده مين حضرتك؟
بيتر: دا دكتور نبيل صاحبي دكتور في الميثولوجيا وعلم ما وراء الطبيعه
عاصم: تشرفنا يا دكتور
نبيل: الشرف ليا يا استاذ؟!
بيتر : استاذ عاصم صاحبي ورجل اعمال
نبيل: فعلا؟ دا شئ كويس جدا، اعمال زي ايه بقي ؟
عاصم استيراد وتصدير ادوات كهربيه
نبيل : جميل وعرفت بيتر منين؟
عاصم:لا بيتر زميل طفوله واعز اصحابي،ايه ده انتم بتلعبوا شطرنج؟ كام كام ؟
بيتر ناظرا الي نبيل: متقولهوش
نبيل : لا هقوله
بيتر : لا متقولهوش
عاصم: فيه ايه يا جدعان هو سر ولا ايه كام كام؟!
نبيل : ١٠/١
عاصم في دهشه : كام؟ ليه يا عم هو انت بتلاعب نفسك يا بيتر ولا ايه ؟
بيتر في احراج: احم احم لا دا ١٠ لنبيل انا اللي جايب ال١
قهقه عاصم وكاد يسقط علي الارض من كثره الضحك :اومال عاملنا فيها اللورد كرومر في الشطرنج وكل شويه هل من مبارز وفي الاخر خسران ١٠
بيتر: حظ يا عم ،حظه حلو
عاصم : طب بس وسع كده عما نشوف حظ دكتور نبيل شغال معاك انت بس ولا مع الكل
بدأ دور جديد واعاد كل منهم القطع الي موقعها فوق رقعه الشطرنج ونظر عاصم الي نبيل متسائلا: بس انا اول مره اسمع عن تخصصك ده يا دكتور
بيتر: دا تخصص قريب جدا ليك يا عاصم
عاصم: فعلا؟! ازاي بقي بيتكلم عن ايه العلم ده؟
نبيل: دا علم بيختص بدراسه التراث الثقافي للشعوب والاسرار الخفيه جوا كل حضاره من الحضارات دي حاجات زي السحر والكهانوت وطرق العقاب والحساب في الحضارات دي وكمان علاقه كل حضاره بعوالم ما وراء الطبيعه زي الجن وكده
عاصم: علم جميل جدا
نبيل: هو جميل بس ناس كتير مش مصدقاه يعني مين هيصدق بحوار العفاريت والجن والكلام ده
ثم أكمل ضاحكا: دا حتي الدكاتره الكبار في العلوم التانيه مش معترفه بيه كعلم وبيعتبروه جدل وشعوذه
بيتر: هههه لا اقدر امضيلك وابصملك واختملك كمان ان دا مش دجل خالص
اضاف عاصم ضاحكا: وانا كمان امضيلك شاهد علي كلام بيتر
نبيل في تعجب: انتم مالكم بتتكلموا بثقه ليه كده ،دا انا اللي بدرس المجال معنديش القناعه بتاعكم دي
بيتر: معلش بقي مهو اللي جرب غير اللي سمع هههه
نظر بيتر الي عاصم فوجده صامتا ويطيل النظر له فأدرك انه قد وقع في خطأ فحاول تدراك الخطأ : الا صحيح يا عاصم مقولتليش عملت ايه في الخناقه هديت الجو كده ولا نيلت الدنيا؟
عاصم في داخل نفسه: يعني يوم ما تحل غلطه تقوم تصلحها بسيره تحرق الدم ،ادعي عليك بأيه وانت فيك كل العبر
بيتر: عاصم عاصم روحت فين يابني بكلمك؟
عاصم: لا يا عم مفيش ،كانت بتجيب حاجات من عند البقال
بيتر: بس مكانش معاها حاجه وهي داخله يعني
عاصم: انتبه عاصم لكلام بيتر وقبل ان يجيب قاطعه نبيل
نبيل: وريني بقي هتخرج من دي ازاي يا استاذ عاصم؟
نظر عاصم لرقعه الشطرنج وقام بتحريك احد العساكر خطوه للامام فأنقلب الموقف ضد نبيل
نبيل: مش معقول ازاي ده ؟
عاصم: دايما قوه الجيش بتتقاس بأضعف جندي فيه واللي بيفهم بجد هو اللي يقنع عدوه ان الجندي ده مش مهم ومفيش خوف منه وقتها بس هيقدر يكش ملك
ثم أشار عاصم الي مكان الملك الخاص بنبيل فلاحظ نبيل ان حركه الجندي قد كشفت من خلفه فرصه للفيل الخاص بعاصم ان يهدد مكان الملك
عاصم:انا اسف يا استاذ نبيل بس لازم امشي دلوقتي افتكرت مشوار مهم عن اذنك هحتاج بيتر معايا
ذهب عاصم وقد لحق به بيتر بعد ان اعتذر لدكتور نبيل
بيتر:علي فين يا عاصم
عاصم:هروح لعم عبيد البقال عايزه في حاجه
بيتر: وهو ده يستاهل انك تسيب القعده وتمشي كده يا عم دا احنا احرجنا نبيل جدا
عاصم: لو كان اللي في بالي بجد يبقي فعلا يستاهل يا صاحبي
وصلا الي دكان عم عبيد
عاصم: ازيك يا عم عبيد عامل ايه؟
عبيد: نحمده ونشكر فضله يا عاصم يابني
عاصم: كنت جاي احاسبك علي الحاجه اللي مني اشترتها منك النهارده واكد عليك لو كان فيه حاجه لسه مجاتش
عبيد في نعجب: حاجات ايه استاذ عاصم انا مشوفتش استاذه مني من وقت المعاد الاسبوعي اللي فات من حوالي ٤ ايام
عاصم: يعني ايه يا عم عبيد دي مني كانت لسه معاك من شويه دي حتي كان معاها رشا؟
عبيد: يابني اعدم نظري لو كنت بكدب عليك انا مشوفتش استاذه مني بقالي اكتر من ٤ ايام واستاذه رشا بقالي فتره اطول بكتير
عاصم: ازاي بس فهمني
بيتر: طب تعالي يا عاصم معايا تعالي يمكن انت اتلغبط في سماع الاسم ولا حاجه,متشكرين يا عم عبيد
عاصم: يعني ايه يا بيتر ، اومال مني كانت فين وكدبت عليا ليه ؟
بيتر: تعالي بس وهدي اعصابك كده
عاصم: مش ههدي انا هروح افهم منها ايه الحوار ده
بيتر: طب تعالي انا جاي معاك
عاصم: طيب يلا بينا
){kind=link}
0 تعليقات